Xoxoteko aterpea

MENDI ASTEA 2012

Xoxote — Sun, 20 May 2012 12:35:19 +0000

Lagun Onak M.B.k Mendi astea antolatu du aurten ere.

Hiru egunez proiekzioak egingo dira Lagun Onak M.B.eko aretoan, guztiak iluntzeko 21:00etan.
Hauek izango dira emanaldiak:
- Maiatzaren 22an Gorka Karapetoren “HARRIZKO AMETSAK”.
- Maiatzaren 23an Josu Bereziartuaren “BROAD PEAK 2010, HASTAPENETARA ITZULERA”
- Maiatzaren 24an Rosa Lizaso eta Mikel Bringas-en “KIWIZIBIDAIA. ZEELANDA BERRIA, PEDAL KOLPEAN, FAMILIA GIROAN”.

Proiekzio hauetaz gain, gaztetxoentzat eskada praktikak, urtean zehar egindako argazkien emanaldia,
Txalintxora ibilaldia eta Xoxote egunera ibilaldia ere antolatu dira.

PDF hontan aurkituko duzue informazio guztia.

Gozatu mendiaz!!

XOXOTEKO EGUNA BADATOR!

Xoxote — Sun, 20 May 2012 12:10:47 +0000

Urtero bezala, aurten ere maiatzeko azken igandean ospatuko da Xoxoteko Eguna.

Interneteko iragarpenen arabera eguraldi eguzkitsua edukiko dugu, eta gu, bazpare, hasi gara prestaketa lanetan den dena ondo atera dadin.

Beraz badakizue, maiatzak 27an azaldu Xoxoteko aterpetik eta giro paregabea aurkituko duzue!!
Zuen zain egongo gara!

NEGUA JOAN DA TA…

Xoxote — Wed, 16 May 2012 21:30:11 +0000

Negua atzean utzi dugula dirudi, eta aste honetan udaberri beteko giroaz gozatzen ari gara.

Eguzki goxoa eta paisaia berde-berdea. Ze ederrak dauden pagoak!!

VIII. IZARRAITZKO MENDI LASTERKETA

Xoxote — Tue, 15 May 2012 21:34:45 +0000

Pasa den igandean VIII. Izarraitzko mendi lasterketa burutu zen.
Laino artean egin zituzten ibilbideko 21,2km.ak eta jende asko hurbildu zen korrikalariak txalotzera.
Sailkapena PDF hontan ikusi dezakezue.

Zorionak parte hartzaile guztiei!!

LAGUN ONAK-eko GAZTETXOAK

Xoxote — Tue, 15 May 2012 14:53:46 +0000

Maiatzaren lehenengo asteburuan Lagun Onak mendi taldeko gaztetxoak izan ziren aterpean.
Inguruko mendiak igo zituzten, aterpean afaldu eta gaua pasa zuten eta igandean kakutako egunean egon ziren.

Hemen daukazue taldearen argazkia. LAISTER ARTE!!

ZABORRA

Xoxote — Fri, 13 Apr 2012 21:51:40 +0000

Zoritxarrez askotan ikusten ditugun irudiak erakutsiko dizkizuegu gaur.
Zaborra agertzen da harrien artean, elurzulo barruan, aterpe aurrean…

Holakotan gure buruari galdetzen diogu zergaitik garen horren zerriak, eta nola garen gai garbi topatu dugun leku bat zabortegi bihurtzen momentu batetan.
Plastikoak, aulkiak, gas bonbonak, latak, kristalezko botilak, zigarroak eta abar luze batekin topo egiten dugu Izarraitzen nahi baina gehiagotan.

Ez dago eskubiderik. Denon kalterako da eta mendia horrela ikusteak pena eta amorrua eragiten digu.

Beraz, ez izan arduragabeak, eta JEITXI ZUEN ZABORRA, mesedez.

ASTEBURUPASA ETXEKO TXIKIAREKIN

Xoxote — Mon, 12 Mar 2012 17:25:42 +0000

Larunbat goizean abiatu ginen aittolatik xoxoteruntz, giro ezin hobearekin eta motxila pardelez beteta.
Bertan aspaldiko lagunekin egon ginen, eta gure txikia besotik besora ibili zen, denen mimoak eta hitz goxoak entzunaz.
Gaua ere bertan igaro genuen, iruñako lagun batzuen konpainian.
Horren txintxo portatzen bazara etorriko gara berriz ere, aitatxo eta aitonari bixita egitera.
Laister arte!!!

IV ZUZENIEN - kilometro bertikala

Xoxote — Sun, 26 Feb 2012 11:35:23 +0000

Aurten, martxoaren 4an ospatuko da Zuzenien kilometro bertikala.
Proba hau igoera bertikalen Euskal Koparako puntuagarria da, eta Azpeitiatik San Inazioren estatuaraino igotzen da zuzen-zuzenean.

Bidea markatuta dago jada, beraz, mendia eta igoera bertikalak gogoko badituzu, probatzeko aukera daukazu orain.
Eta lasterketan parte hartzea interesatzen bazaizu, Lagun Onak M.B. ren web orrian aurkituko duzu informazio guztia.
Animatu eta hasi mendi lasterketen denboraldia Izarraitzen!

TWITTER-en GAUDE

Xoxote — Fri, 17 Feb 2012 10:35:45 +0000

Aterpeari buruzko albisteak momentuan jaso nahi badituzue, twitter-en bidez azken orduko berriak jasotzeko aukera duzue orain.
Egin gure jarraitzaile!

Sarean elkarren berri edukiko dugulakoan, laister arte!!

IRITXI DA NEGUA!

Xoxote — Wed, 15 Feb 2012 15:56:45 +0000

Elur eta hotzik gabeko negua izaten ari ginen orain arte, baina badirudi iritxi dela, bazen garaia!

Izarraitzen ez du elur gehiegirik egin, guk espero genuena baina gutxiago, baina paisaia txurituta ikusteak pena merezi izan du.
Izotza berriz egun askotan eduki dugu, eta bideak arriskutsu ere egon dira hainbat puntutan.
Irristada eta ipurdiko ugari egongo ziren aterperako bidean, zihur!

Argazki batzuk uzten dizkizuegu, eta gure “amona txiki”k esaten zuen esaera zahar batekin agurtzen gara gaurkoan:

“Otsail txiki hasarria, ez da bestiak baño hobia”